⟨In honorem S. Thorlaci⟩
1 Praesul Thorlace ,qui gaudes perpete pace ,
2 Felix ,perfecte ,uenerabilis ,inclite ,recte ,
3 Mitis ,pacifice ,mansuete ,bene pudice ,
4 Ingens ,secure ,fortissime ,strenue ,pure ,
5 Pulcher ,formose ,patiens ,bone ,religiose ,
6 Uerax ,iocunde ,castissime ,sobrie ,munde ,
7 Dulcis ,discrete ,tranquille ,decore ,quiete ,
8 Splendide ,sincere ,clemens ,robuste ,seuere ,
9 Eque ,decens ,placide ,constans ,firmissime fide
10 Magne ,modeste ,grauis ,insignis ,honeste ,suauis ,
11 Alte ,humilis ,digne ,sublimis ,celse ,benigne ,
12 Utilis ,alme ,sacer ,celeberrime ,nobilis ,acer ,
13 Illustris ,clare ,prudens ,pie ,prouide ,gnare ,
14 Sancte ,potens ,iuste ,sapiens ,probe ,large ,uenuste ;
15 Pastor laudande simul omnibus ac uenerande ,
16 Te rogo ,Thorlace ,mihi spinas mentis opace
17 Umbriferas modo reseca modo falce tuorum ,
18 Ut pura mente plaudam tua facta repente ,
19 Quae laus digna tibi fiet oris munere scribi
20 A me tantillo ,uicioso valde pusillo ,
21 Funditus elinguis nullo quoque dogmate pinguis ,
22 In prauis uerbis quae labitur atque superbis ,
23 Omnia uestrorum miracula prodrigiorum ,
24 Quorum uix plenae numeris equantur arenae .